Juventusi e konsideron si prurje e duhur, ndan 35 mln euro për kartonin e portugezit
Një fillim i shkëlqyeshëm i sezonit nga Francisko Konseisao me fanellën e Juventusit duket se ka bindur klubin bardhezi që të investojë tek anësori portugez.
21-vjeçari, djali i Serxhio Konseisao, ka ardhur në formë huazimi nga Porto, deri në fund të sezonit. Detajet me klubin portugez do të përcaktohen së shpejti.
Gjithsesi, lojtari do të kushtojë rreth 30-35 milionë euro për Juventus, që synon të blejë 100% kartonin e tij. Aktualisht klubi italian ka paguar 7 për huazimin vjetor.
Konseisao është aktivizuar në total vetëm në 4 ndeshje këtë sezon (3 në Serie A) dhe ka realizuar 2 gola (1 në kampionat). Kaq ka mjaftuar që ai të konsiderohet si një përforcim i rëndësishëm për të ardhmen.