Kamera e sigurisë kap ariun duke rrotulluar koshin e plehrave si një njeri
Kamera e sigurisë së shtëpisë së një çifti në Alabama kapi momentin kur një ari u ngrit në këmbët e pasme për të rrokullisur koshin e tyre të plehrave drejt – por jo plotësisht – rrugës.
Banorët e Saralandës, Bryce dhe Breanna Hoven shpërndanë video që tregonte ariun duke qëndruar në këmbët e pasme, duke vendosur putrat e përparme në dorezën e koshit të rrotave dhe duke e shtyrë dhe duke e tërhequr nga shtëpia në një mënyrë si njeriu.
“Kushdo që u vesh si ari dhe e rrotulloi bukur koshin tonë të plehrave në rrugë, faleminderit”, tha me shaka në rrjetet sociale, Breanna Hoven.
Çifti sqaroi se plehrat nuk mund të arrinin kurrë në bordurë, shkruan upi.com.
“Ai vazhdoi ta tërhiqte zvarrë poshtë rrugës për 4.5 deri 6 metra. Sapo e dërgoi në oborrin e fqinjit, filloi të shtrihej në plehra dhe ta hante”, tha ai.
Çifti tha se ariu bëri një përpjekje të dytë të nesërmen në mëngjes, por nuk ia arriti dot. /Telegrafi/
