Kapet marihuanë në hyrje të Zhelinës, arrestohen dy persona

Dy persona janë arrestuar në hyrje të fshatit Zhelinë, pasi në automjetin e tyre të tipit “Audi”, janë gjetur gjashtë qese me marihuanë, përcjell TV21. Nga MPB shtojnë se të dy personat ishin nga fshati Trebosh i Tetovës.

“Më 03.11.2025, rreth orës 21:00, në rrugën rajonale Tetovë – Shkup, pranë hyrjes për fshatin Zhelinë, policia nga Stacioni i Sigurisë së Trafikut në Tetovë arrestoi B.A. (37) dhe O.J. (26), të dy nga fshati Trebosh i Tetovës. Gjatë kontrollit tek ata dhe në automjetin “Audi” me targa të Tetovës, i drejtuar nga B.A., u gjetën dhe u konfiskuan gjashtë qese me marihuanë. Të arrestuarit janë mbajtur në stacion policor dhe pas dokumentimit të rastit, kundër tyre do të parashtrohet padia përkatëse”, thonë nga MPB.