Kapet tetovarja mashtruese me viza, ishte paraqitur si punonjëse ambasade

SPB Tetovë ka paraqitur kallëzim penal kundër një qytetare 43 vjeçare të Tetovës me inicialet A.A, për shkak të ekzistimit të bazave të dyshimit për kryerjen e veprës penale “mashtrim”, njoftoi sot MPB, përcjell INA.

” Gjatë muajit gusht 2023, e dyshuara e paraqitur si punonjës i ambasadës, i ka premtuar një 47-vjeçari nga një fshat i Gostivarit se do t’i mundësojë marrjen e vizës, por për fillimin e procedurës është dashur që ai së pari ti paguaj 2400 euro. I dëmtuari i ka dhënë paratë, por deri në raportimin e ngjarjes nuk ka marrë vizë”, sqaron MPB.(INA)