Kasami: Xhepçishti gati për kapitullin e dytë
Kandidati i VLEN-it për Komunën e Tetovës, Bilall Kasami, ka vizituar fshatin Xhepçisht duke takuar banorët me të cilët ka bashkëbiseduar për nevojat e këtij fshati. Kasami u premtoi banorëv ndërtimin e rrugës kresore për në fshatin Xhepçishtë
Postimi i plotë i Kasamit në facebook
Xhepçishti gati për Kapitullin e Dytë të zhvillimit
Bashkë me bartësin e listës në Tetovë, Albi Qamilin, ministrin e Ekonomisë dhe shef shtabi për Tetovën, Besar Durmishin, zëvendësministrin e Bujqësisë Albrim Hoxha dhe funksionarë të tjerë të VLEN-it e kandidatë për këshilltarë, vizituam sot Xhepçishtin punëtor e fisnik, i cili na priti ngrohtë si gjithmonë.
Biseduam rreth sfidave dhe prioriteteve të fshatit, ndërsa me shumë kënaqësi i informova banorët se së shpejti fillojnë punimet për ndërtimin e rrugës kryesore, bashkë me gjithë infrastrukturën përcjellëse. Ky projekt, i financuar 100% nga Komuna e Tetovës, na bën krenarë ne si udhëheqësi, por mbi të gjitha zgjidh problemet shumëvjeçare infrastrukturore të Xhepçishtit.
Konstatuam bashkërisht se Tetova ka nevojë të vazhdojë përpara me Kapitullin e Dytë të zhvillimit, ku do të merr hov transformimi i vendbanimeve tona. Tetova s’ndalet.
