‘‘Kemi pas dëshirë që më 16 shtator me pas institucione’’, Hyseni i reagon Grudës: S’e kanë përnime
Arbëreshë Kryeziu Hyseni, deputete e Lëvizjes Vetëvendosjes, ka reaguar ndaj deputetit të Partisë Demokratike të Kosovës, Përparim Grudës, i cili mbrëmë në Pressing tha se kjo parti ka pasur dëshirë që deri më 16 shtator vendi të ketë institucione.
Hyseni, në reagimin e saj ka thënë se PDK ‘’nuk e kanë përnime’’ sepse, përndryshe, situata do të ishte ndryshe në Kosovë.
‘’ Pra a po e shihni që fare e lehtë paska qenë konstituimi i Kuvendit, formimi i Qeverisë dhe zgjedhja e Presidentit të ri të Kosovës?! Madje sot, ne mund ti kishim të trija institucionet të mandatuara për të funksionuar në plotni.’’, ka shkruar ajo.
Postimi:
Ndëgjone mirë…
Po thotë ne kemi pas dëshirë që më 16 shtator vendi me pas institucione.
Çdo ditë dilnin para Qeverisë, kërkonin konstituim dhe funksionim të institucioneve. Ndërkaq tash se duan Kuvendin.
Pra a po e shihni që fare e lehtë paska qenë konstituimi i Kuvendit, formimi i Qeverisë dhe zgjedhja e Presidentit të ri të Kosovës?! Madje sot, ne mund ti kishim të trija institucionet të mandatuara për të funksionuar në plotni.
Pse nuk ndodhi kjo? Sepse PDK dhe AAK nuk morën pjesë as në seancën konstituive së paku.
Nuk e kanë përnime. Se po ta kishin, do të ishte situatë ndryshe në Kosovë.
