Klubet gjermane synojnë transferimin e brazilianit Endrik

Braziliani Endrik ka luftuar për një lojë të qëndrueshme në Real Madrid këtë sezon, me menaxherin Karlo Ançeloti që tregon besim të kufizuar te braziliani. Sulmuesi i ri është paraqitur në vetëm 149 minuta lojë deri më tani, duke ngritur pikëpyetje për të ardhmen e tij në klub.

Sipas mediumit spanjoll “Relevo”, disa klube të Bundesligës kanë shfaqur interes për nënshkrimin e Endrik. Megjithatë, Real Madrid e ka bërë të qartë se nuk do të pranojë asnjë ofertë për lojtarin të paktën deri në qershor. Pavarësisht mundësive të kufizuara, Endrik thuhet se nuk ka ndërmend të largohet nga “Santiago Bernabeu” në janar. Ai është i vendosur të luftojë për vendin e tij në skuadër, edhe pse Ancelotti ka shprehur shqetësime për ritmin e tij.

Nëse situata nuk përmirësohet, disa klube janë të përgatitura të presin deri në verë për të ndjekur një lëvizje për të. Për momentin, fokusi i Endrikut mbetet të ndikojë në gjysmën e dytë të sezonit.