Kosova gati për Hungarinë, rikthehet Amir Rahmani
Kombëtarja e Kosovës do të zhvillojë ndeshjen e dytë miqësore të muajit mars, kur në transfertë do të takohet me kombëtaren e Hungarisë.
Pas ndeshjes me Armeninë, ku “Dardanët” fituan me rezultat 0-1, tani radha është për miqësoren e radhës. Kosova do të luajë ndaj Hungarisë në ndeshjen që pritet të zhvillohet në “Puskas Arena”, me fillim nga ora 19:00.
Kjo do të jetë miqësorja e dytë nën drejtimin e gjermanit Franko Foda, i cili duket se ka sjell një frymë të re të punës dhe angazhimit. Në këtë ndeshje, Foda nuk pritet të bëjë shumë ndryshime nga ndeshja e parë, me vetëm Amir Rrahmanin që e ka të sigurt rikthimin në formacion.