Kryeministri Mickoski: Nuk shoh arsye për një tjetër takim liderësh

Kryeministri Hristijan Mickoski hodhi poshtë propozimin e kreut të opozitës Venko Filipçe për takim liderësh. Thotë se për momentin nuk sheh arsye.

Filipçe ditë më parë deklaroi se liderët duhet të ulen për të definuar vijat e kuqe sa i interesave shtetërore dhe të vazhdojë procesi i eurointegrimit.
“Shpesh më ftojnë në takime liderësh. Ne kishim një takim liderësh me z. Venko Filipçe. Nëse do të kishte nevojë për një takim të tillë liderësh nuk shoh arsye se përse mos ta organizojmë por për momentin nuk shoh arsye përse të organizojmë takim liderësh edhe një herë”, tha Hristijan Mickoski, Kryeministër./ Alsat.mk