Kuman: Stërvitja e munguar? Lojtarët kishin dy orë shtesë për pushim
Ndërprerje të reja të transportit në Gjermani gjatë Kampionatit Europian 2024. Këtë herë ishte Hollanda e Ronald Kumanit që pagoi çmimin. Kombëtarja holandeze duhej të merrte trenin nga Ëolfsburgu për në qytetin pritës të gjysmëfinales së dytë, Dortmundit, por treni nuk funksiononte. Lojtarët e morën këtë vesh, ndërsa ishin tashmë në rrugë për në stacion me autobus.
Vetëm në orën 20:20, portokallinjtë mundën të hipnin në aeroplan dhe të mbërrinin në destinacionin e tyre, duke humbur kështu takimet e planifikuara me shtypin. Trajneri Kuman, megjithatë nuk kërkon justifikime për ndeshjen kundër Anglisë.
“Në fund lojtarët mundën të pushojnë rreth 2 orë e gjysmë në hotel, kështu që nuk pati asnjë problem. Kjo nuk do të ketë çdo ndikim në ndeshjen kundër Anglisë”.
Kuman do t’i ketë në dispozicion të 26 lojtarët kundër anglezëve, pas dëmtimeve të ndryshme që iu desh të përballej gjatë eventit.
“Kemi arritur t’i kemi të gjithë në top-formë. Kemi vënë re disa dhimbje aty-këtu, ose ndonjë grip të lehtë, por tani janë të gjithë në formë,” tha mes tjerash Kuman.
Gjysmëfinalja që do të startojë në orën 21:00 në “Signal Iduna Park” të Dortmundit do të vendosë se kush mes Holandës dhe Anglisë do të arrijë Spanjën e Xhamallin, në finalen e Berlinit.
