Kuvendi rrëzon kërkesën e opozitës, Niko Peleshi mbetet kryeparlamentar!
Vetëm me votat e maxhorancës, Kuvendi i Shqipërisë rrëzoi kërkesën e deputetëve të opozitës për shkarkimin e kreut të parlamentit Niko Peleshi.
79 deputetë votuan kundër kërkesës, 10 vota pro dhe nuk kishte asnjë abstenim.
36 deputetë të opozitës kishin kërkuar shkarkimin e Peleshit për shkelje të rënda të rregullores dhe Kushtetutës. Më herët, deputeti Ivi Kaso, argumentoi se veprimet e Kryetarit të Kuvendit në dy seancat e para të legjislaturës, më 16 e 18 shtator, “kanë cënuar thelbin e demokracisë parlamentare dhe kanë transformuar institucionin më të lartë ligjvënës në një ‘teatër kukullash’, në shërbim të ekzekutivit”.
Kryeparlamentari Niko Peleshi në fjalën e tij nga foltorja e Kuvendit iu përgjigj kërkesës së opozitës për shkarkimin e tij. Peleshi deklaroi se shkaku i vërtetë i kësaj kërkese është “fryma antagoniste përçarëse”, dhe “jo shkelja e rregullores apo Kushtetutës”.
Shkaku i vërtetë i kësaj procedure, nuk jam unë. Nuk është favorizimi i një krahu politik. Në dy seancat e fundit, maxhoranca ka folur 291 minuta kundrejt 439 minutave të opozitës. 60% e kohës ishte e opozitës. Shkak, fryma antagoniste e përçarëse nga e cila nuk heqim dot dorë. Nuk është shkelje e rregullores apo Kushtetutës. Ajo është etiketa e përdorur gabim. Rregullorja s’të lejon të fyesh, shash akuzosh, bllokosh foltoren e pengosh fjalën e deputetëve.
