Lajme të mira për Milanin, shtohet konkurenca në mesfushë
Ismael Benaser iu nënshtrua testeve pas kthimit nga Kupa e Kombeve të Afrikës dhe duhet të jetë në dispozicion për Milanin duke filluar nga java e ardhshme. Mesfushori ishte rikthyer në terren pas eliminimit të hershëm të Algjerisë nga gara. Ai gjithashtu kishte pasur një problem muskulor gjatë turneut dhe kishte shqetësime se ishte një çështje potencialisht serioze.
Më shumë teste u kryen sot dhe nga Milanello raportohet se Benaser ka një lodhje të lehtë, kështu që duhet të jetë në dispozicion për trajnerin Stefano Pioli nga java e ardhshme. Kjo ende do të thotë se 26-vjeçari do të jetë jashtë përballjes së kësaj fundjave në Serie A ndaj Bolonjas, por duhet të jetë mjaftueshëm në formë për ndeshjen e radhës kundër Frosinones.
Benacer ishte jashtë fushës për më shumë se gjashtë muaj në vitin 2023 pasi këputi ligamentin në gju gjatë gjysmëfinales së Ligës së Kampionëve ndaj Interit. Algjeriani rifilloi të luante me kuqezinjtë vetëm në dhjetor dhe më pas u thirr menjëherë për detyrën ndërkombëtare në AFCON.