LAJMI I FUNDIT: Presidentja shpërndan Parlamentin e Kosovës, vendi shkon në zgjedhje të reja

Vjosa Osmani ka vendosur zyrtarisht shpërndarjen e Parlamentit të Kosovës, duke i hapur rrugë mbajtjes së zgjedhjeve të reja parlamentare në vend.

Vendimi vjen pas zhvillimeve të fundit politike dhe pamundësisë për të siguruar funksionimin normal të institucioneve. Me shpërndarjen e Kuvendit, pritet që së shpejti të caktohet edhe data e zgjedhjeve të parakohshme, ku qytetarët do t’i drejtohen sërish kutive të votimit për të zgjedhur përbërjen e re parlamentare.

Sipas procedurave kushtetuese, pas këtij vendimi institucionet përkatëse do të nisin menjëherë përgatitjet për organizimin e procesit zgjedhor, ndërsa partitë politike pritet të hyjnë në një fushatë intensive.

Zhvillimi i fundit pritet të ndikojë ndjeshëm në skenën politike në Kosovë dhe të hapë një garë të re për formimin e qeverisë së ardhshme.