LeBron Xhejms është bërë basketbollisti i parë i ligës amerikane NBA që ka shënuar mbi 40.000 pikë

LeBron Xhejms është bërë basketbollisti i parë i ligës amerikane NBA që ka shënuar mbi 40.000 pikë në karrierën e tij.

Megjithatë, ai e ka përshkruar këtë moment me ndjesi të përziera, pasi në ndeshjen e së shtunës, ekipi i tij Los Angeles Lakers ka humbur kundër ekipit Denver Nuggets. Xhejms ka qenë në vendin e parë sa u përket pikëve qysh prej shkurtit të vitit 2023, pasi atëbotë e pati kaluar basketbollistin Karem Abdul Xhabar, i cili mbante rekordin me 38.387 pikë.

Xhejms është shpallur katër herë kampion i NBA-së dhe katër herë Lojtari më i vlefshëm, dhe aktualisht është basketbollisti më i vjetër aktiv në ligë.