Lejkers vazhdon me fitore, Lebron realizon ‘triple-double

Janë zhvilluar ndeshjet e xhiros së radhës në elitën e basketbollit amerikan NBA. Los Angeles Lejkers kanë vazhduar me fitore, teksa para tifozëve të vet kanë triumfuar përballë Toronto Raptors me 20 pikë diferencë 123:103.

Ostin Rivs ishte më i miri në këtë takim me 27 pikë, derisa Enthoni Dejvis shtoi 22 të tjera.

LeBron Xhejms ka shkëlqyer në këtë sfidë duke arritur shifrën magjike ‘triple-double’ me 19 pikë, 10 kërcime e 16 asistime. Te mysafirët më efikasit ishin dyshja kanadeze Barret e Bouçer me nga 18 pikë, por që nuk mjaftuan për fitore.