Lejkersat “demolojnë” Portlandin, Rasell shënon 34 pikë

Los Anxheles Lejkers janë rikthyer te fitorja në NBA pas humbjes dy ditë më parë nga Bruklin Nets. Skuadra nga Kalifornia ka luajtur përballë Portland Trail Blazers në “Crypto Arena”, derisa ka fituar me 24 pikë diferencë 134:110. Lejkersi ka dominuar nga fillimi deri në fund të ndeshjes, duke mbajtur konstant epërsinë dhe duke mos iu rrezikuar në asnjë moment fitorja.

D’Anxhelo Rusell ka qenë më efikasi në këtë sfidë me 34 pikë dhe shtoi edhe tetë asistime për bashkëlojtarët e tij. Me lojë të mirë u dallua edhe LeBron Xhejms që realizoi 28 pikë të tjera si dhe shtoi pesë kërcime e pesë asistime.

Te skuadra mysafire më i miri në parket ishte Malkolm Brogdon me 23 pikë, por që në fund nuk mjaftuan për fitore.