Lejkersat u rikthehen fitoreve, shkëlqejnë Xhejms dhe Dejvis
Los Anxheles Lejkers janë rikthyer te fitoret në NBA, pasi para adhuruesve të vet kanë triumfuar ndaj Oklahoma Sitit. Në një ndeshje shumë të barabartë dhe dramatike, Lejkers në fund arritën të triumfonin me shtatë pikë diferencë ndaj Oklahoma Sitit me rezultat 112:105.
Dy çerekët e parë ishin të barabartë dhe skuadrat shkuan në pushim 50:50, derisa çereku i tretë ishte vendimtar për Lejkersat pasi e mbyllën me tetë pikë diferencë. Entoni Dejvis ka qenë fantastik në këtë ndeshje me 27 pikë, 15 kërcime, pesë asistime dhe një bllokim.
Me lojë të mirë u dallua edhe LeBron Xhejms që shtoi 25 pikë të tjera, derisa Ostin Rivs realizoi 15 të tjera. Te skuadra mysafire më efikasi ishte Xhejlen Uiliams me 25 pikë, ndërsa fundori kanadez Shai Gilgeous-Aleksander shtoi 24 të tjera, por që nuk ishin të mjaftueshme për fitore.
