Leklerk: Humbëm një shans të mirë për podiumin, pas zhgënjimit nga Meklareni
Në një kampionat që deri më tani është karakterizuar nga epërsia e MekLarenit, duhet të përfitosh nga çdo mundësi kur makina britanike gabon. Siç ndodhi në garën e fundit të Formula 1, në Kanada, ku në podium, u ngjitën dy makian Mercedes dhe një Red Bull.
Ai që zhgënjeu ishte Ferrari, ndaj për Sharll Leklerkun ky ishte një shans i shpërdoruar. Ndoshta jo edhe aq kur sheh se pilotët e “kokëkuqes” u nisën nga vendet larg kreut. Monegasku, që u rendit i pesti, shfajësohet për këtë rezultat.
“Nuk dua të flas për “nëse” apo “por”. U rendita i pesti dhe ndoshta nuk i kam bashkuar të gjitha pjesët dhe nuk e kam bërë punën time ashtu si duhet“, ka komentuar piloti i Ferrarit.
“Mercedesi kishte avantazhin në atë fundjavë, Red Bull është vazhdimisht atje dhe MekLareni ishte pak më në vështirësi. Unë mendoj se edhe ne ishim aty duke konkurruar, por e pamë se ku përfunduam”, tha më tel Leklerk.
Me pak fjalë, Leklerk merr fajin për rezultatin zhgënjyes në Kanada. Piloti i Ferrarit, edhe në një fundjavë të mërzitshme, shënoi më shumë pikë se Luis Hamilton, që u rendit në vendin e gjashtë.
