Lëshime në denoncimet e Rosicës! Masa disiplinore për 11 policë nga Velesi

Në pjesë të denoncimeve të viktimës Rosica Koceva, policia nga SPB Veles nuk ka vepruar plotësisht në pajtim me obligimet ligjore, konstatoi kontrolli i brendshëm i MPB-së. Për shkak të kësaj është paraqitur propozim për procedurë disiplinore kundër 11 nëpunësve policorë, dhe gjetjet janë dorëzuar edhe në Prokurori për veprim të mëtejshëm. Nga Ministria thonë se në pjesën më të madhe të rasteve policia ka vepruar sipas procedurave dhe është paraqitur kallëzim penal kundër të denoncuarit, i cili ka përfunduar me dënim me kusht. MPB paralajmëron përmirësim të procedurave dhe heqje të mangësive sistemore për mbrojtje më të madhe të qytetarëve.