Lotar Mateus kritika për zgjedhjen dhe ndarjen e çmimit “FIFA Best”
Po diskutohet shumë fitorja e Lionel Mesit, si lojtari më i mirë i FIFA-s për meshkuj, në vitin 2023. Një shpërblim (çmim) i pakuptueshëm, duke qenë se afati kohor i referuar për votimin filloi nga 19 dhjetori 2022, duke përjashtuar kështu Botërorin e Katarit, kompeticion që e kishte parë protagonist absolut yllin argjentinas.
Lotar Matеus, legjenda e futbollit gjerman dhe fitues i çmimit “FIFA Ëorld Player” në vitin 1991, dha mendimin e tij për “Sky Deutschland”.
“Nëse shikoni sukseset e mëdha, nuk ka asnjë mënyrë të evitosh Man. Sitin për vitin 2023. Prandaj, edhe në rastin e lojtarit më të mirë, zgjedhja duhej të kishte rënë mbi Erling Haaland. Ai ka fituar tituj më të rëndësishëm me Sitit, përqindja e golave të tij është mbresëlënëse, diçka vendimtare për këtë çmim”.
Messi përfundoi i barabartë në pikë me Haaland në votim, por çmimi shkoi për argjentinasin, pasi referencë e parë e përdorur nga FIFA në rastet e dy kandidatëve me pikë të barabarta është ai i votave të kapitenëve të kombëtares, më shumë në favor të “Pulga”.
