![Luis Suarez shpjegon arsyet përse iu bashkua Lionel Mesit te Inter Majami](https://shprehja.com/wp-content/uploads/2024/01/Luis-Suarez-left-walks-with-forward-Lionel-Messi-center-and-defender-Sergio-Busquets-scaled-850x560.jpg)
Luis Suarez shpjegon arsyet përse iu bashkua Lionel Mesit te Inter Majami
Luis Suarez është bërë lojtari i fundit që ka luajtur për Barcelonën dhe është bërë pjesë e Inter Majamit dhe ai ka treguar faktorët që e shtynë të marrë këtë vendim. Suarez u ribashkua me ish-bashkëlojtarët e tij tek Barcelona, Lionel Mesi, Zhordi Alba dhe Serhio Buskets tek klubi me bazë në qytetin e Floridas.
Teksa tha se ribashkimi me shokët e tij ishtë një ndër faktorët që e shtyu të marrë këtë vendim, ai ka thënë se kalimi i tij në Amerikë ka ndodhur për shkak të mikut të tij të ngushtë Nikolas Lodeiro, i cili luan në radhët e Sietëll Sounders. Ai gjithashtu ka shtuar se fakti që turneu i “Kopa Amerika”-s do të mbahet në Shtetet e Bashkuara të Amerikës është një tjetër arsye e fortë për vendimin e tij, pasi që ai do të ambientohej me kushtet atje para turneut të fundit me Uruguain.
“Të vij dhe të ndihmojë një ekip që ka lojtarë që i njohin të gjithë, të mundohem të fitojë trofe dhe të tregoj profesionalizëm, kjo është e tëra që unë dua dhe kjo është shumë e rëndësishme për mua. Messi ka folur gjëra të mira për Inter Miamin dhe për ligën në përgjithësi. Ishte shumë mirë për mua kur dëgjova fjalët që ai mi tha”.
Në fund ai tregoi se si fakti që “Kopa Amerika” do të mbahet në Amerikë, pati një ndikim të madh në vendimin e tij.
“Ju duhet të pajtoheni me rolin që keni për të luajtur dhe të vini në Shtetet e Bashkuara, duke e ditur se Kopa Amerika do të luhet këtë vit, është një plus shtesë. Të ndihmon të adaptohesh, duke e ditur se do të jetë nxehtë, është e rëndësishme të njohësh vendin”, përfundoi Suarez.