Luis van Gaal do të drejtojë sërisht Ajaksin, kundër Real Madridit

Luis Van Gaal, do të drejtojë skuadrën e Ajaks-it kundër Realit në sfidën miqësore për hirë të 125-vjetorit të themelimit të klubit të famshëm holandez. Van Gaal doli në pension dy vite më parë, por do të shfaqet në pankinën e Ajaksit, të cilët kanë planifikuar një ndeshje miqësore ndaj Real Madridit për këtë përvjetor të madh. Ndeshja do të luhet më 17 nëntor dhe aty do të shfaqen shumë legjenda të Ajaks-it, përfshirë Frank dhe Ronald De Bur, Edvin Van Der Sar, Siem De Jong, Dani Blind e të tjerë.

Nga radhët e Real Madridit kanë konfirmuar praninë e disa legjendave të njohura, ndaj me siguri në Amsterdam do të mbërrijnë Iker Kasiljas, Raul, Miçel Salgado dhe Ivan Kampo.

Trajneri Van Gaal u pensionua në vitin 2022 pasi i skadoi kontrata me kombëtaren e Holandës. Ai drejtoi Ajaks-in midis viteve 1991 dhe 1997 dhe fitoi një trofe të Ligës së Kampionëve, si dhe tre tituj të ligës holandeze.