Man. Siti nuk jep sinjale të rinovimit, De Bryjne mendon për Arabinë Saudite
Vetëm 23 minuta në fushë në Premier Ligë dhe sërish një dëmtim në kofshë që rrezikon t’i japë fund më herët historisë së dashurisë mes Kevin De Brujne dhe Man. Sitit. Mesfushori belg, i cili u rikthye në pankinë kundër Shefilld Junajtedit, pas një periudhe vërtet negative të karakterizuar nga probleme muskulore, pritet ta transferohet në Arabinë Saudite.
Sipas “Football Insider”, mund të ketë një sulm që në janar nga klubet arabe, por gjithçka do të varet nga shumë që do të kërkojë Man. Siti për kartonin e futbollistit. Mbetet gjithashtu për t’u parë nëse lojtari është rikuperuar plotësisht nga lëndimi. Ndërkohë, De Bryjne po vlerëson pozicionin e tij brenda klubit anglez. Marrëveshja aktuale skadon në vitin 2025, por ende nuk ka pasur hapa të rëndësishëm përpara për zgjatjen e bashkëpunimit.
De Brujne mbetet pjesë thelbësore dhomës së zhveshjes së Siti-t, por lamtumira e mundshme e Pep Guardiolës, në javët e fundit trajneri katalanas dha disa sinjale lamtumire, mund të ndryshojë planet (pa harruar dënimin e mundshëm që klubi mund të marrë në lidhje me 115 akuzat për shkelje të rregullave nga 2009-10 deri më sot.
Ish-lojtari i Volfsburgut dëshiron t’i rifitojë hapësirat në formacion. Muaji janar do të jetë vendimtar për të rifituar formën e tij edhe në kuadër të Kampionatit Evropian, që do të zhvillohet në Gjermani.
