Mateus: Është Nejmari i ri, por po ndjek modelin e gabuar

Lotar Mateus, legjenda e Bajern Munihut, ka folur rreth Vinicius Jr. në një intervistë për “Sport BILD”, pas fitimit të çmimit “The Best FIFA” nga sulmuesi brazilian. Ish-futbollisti gjerman e kritikoi ashpër yllin e Real Madridit, duke përfshirë edhe një referencë ndaj Nejmarit.

“Për mua, Vinicius është Nejmari i ri, – tha Mateus, duke shtuar: – Sjellja e tij është në rrugën e gabuar; Nekmar është modeli i gabuar”.

Gjermani nuk u ndal me kaq.

“Vinicius ka një goditje të shkëlqyer, shpejtësi, gjithçka është në nivelin më të lartë tek ai si futbollist, por me sjellje është në rrugën e gabuar. Nejmar është modeli i gabuar”.

Në përfundim, Matthäus theksoi se: “Vinicius irriton publikun, grindet me kundërshtarët dhe provokon me gjeste”.