Mbappe për të ardhmen: Kam marrëveshje me presidentin Al Khelaifi
Kylian Mbappe është njëri prej emrave më të përfolur për momentin derisa në futbollin evropian ka nisur afati kalimtar i janarit.
Ylli francez është duke i kaluar gjashtë muajt e fundit të kontratës me Paris Saint-Germainin, ndërsa nuk e ka ndërmend ta vazhdojë atë, duke nënkuptuar se gjatë verës që vjen mund t’i bëjë valixhet gati dhe të largohet nga Parisi, shkruan “Gazeta Express”.
Përfaqësuesi francez foli mbrëmë për të ardhmen e tij pas triumfit në Superkupën e Francës, ndonëse nuk dha shumë detaje rreth vendimit.
“Unë nuk e kam marrë ende vendimin tim, por ne e kemi një marrëveshje me presidentin Al Khelaifi. Andaj, kjo nënkupton se të gjitha palët janë të mbrojtura”, deklaroi fillimisht ish-futbollisti i Monacos.
“Fokusi është te ekipi, e jo tek situata ime”, përfundoi Mbappe.
PSG-ja e mposhti mbrëmë Toulousen me rezultat 2:0 me golat e Kang-in dhe Mbappes për ta siguruar trofeun e parë sezonal. /Gazeta Express/
