Mbi 5100 gjoba për një javë, 32 kallëzime penale për shkelje të rregullave në trafik

Ministria e Punëve të Brendshme njofton se në javën e parë të shtatorit, janë regjistruar 5,171 shkelje të rregullave të qarkullimit rrugor, ndërsa 32 shoferë të privuar nga liria për shkak të drejtimit të pakujdesshëm të automjeteve.

Në javën e parë të këtij muaji, ose nga 01.09.2025 deri më 08.09.2025, oficerët e policisë lëshuan gjithsej 5,171 gjoba, nga të cilat 1,765 shkelje ishin për tejkalim shpejtësie, 1,020 për parkim joligjor dhe plot 503 shkelje për shoferë që vozisnin pa leje drejtimi.
Përveç kësaj, në javën e parë të shtatorit u regjistruan 170 gjoba për këmbësorët, pastaj 176 shkelje për përdorimin e telefonit celular dhe 228 shkelje për mosvendosjen e rripit të sigurimit, dhe u regjistruan 116 shkelje për përmbajtje të tepërt të alkoolit në gjak, 29 shkelje për kalimin e rrugës në semafor të kuq, si dhe 119 shkelje për motoçiklistët që nuk mbanin helmetë mbrojtëse.

Bazuar në Ligjin për Automjetet, 112 automjete pa regjistrim të rregullt dhe 23 që ishin teknikisht të dëmtuara u përjashtuan nga trafiku.