Mbrojtësi shqiptarë te Lacio rikuperohet në kohë për Silvinjon

Nëse deri pak ditë më parë nuk dihej nëse Elseid Hysaj do të ishte i gatshëm për dy ndeshjet e Kombëtares së Shqipërisë, mbrojtësi pritet të rikuperohet në kohë.

Pas ekzaminimeve mjekësore, ku Hysaj bashkë me Tati Kastejanon iu drejtuan Vilës Mediaret, aty ku klubi i Lacios procedon me vizitat, doli në përfundim se rikuperimi i mbrojtësit po shkon siç duhet dhe koha e nevojshme që i duhet është maksimumi një muaj.

31-vjeçari u dëmtua në datën 3 shkurt në fitoren kundër Kaljarit në transfertë.

Pasi dha një asist për shokun e skuadrës, Hysaj ndjeu një shqetësim në muskujt e kofshës.  Megjithatë, ai do të jetë gati për Silvinjon, pavarësisht se në ndeshjet e fundit u preferua Balliu.