Më shumë se 80 mln euro, Man. Siti gati të bëj ofertën e re për yllin brazilian
Man. Siti ka të ngjarë të kthehet në sulm për yllin e Uest Hemit, Lukas Paketa këtë verë, sipas Football Insider. Pasi u transferua te “The Hamers” në një transferim rekord prej 51 milionë sterlinash nga Lioni në vitin 2022, Paketa ndihmoi londinezët të fitonin Ligën e Konferencës. Ai shënoi pesë gola dhe dha shtatë asiste në 41 ndeshje sezonin e kaluar, duke tërhequr vëmendjen nga “Qytetarët”.
Man. Siti, që fitoi triplete-n sezonin e kaluar, thuhet se ishte afër nënshkrimit të Paketa-s në një marrëveshje prej 80 milionë £ verën e kaluar. Megjithatë, përfshirja e mesfushorit në një hetim bastesh e bllokoi lëvizjen. Sipas “Football Insider”, Pep Guardiola do të përpiqet ta marrë Paketan për sezonin e ardhshëm. Deri më tani këtë sezon, Paketa ka regjistruar shtatë gola dhe po aq asiste në 34 paraqitje për skuadrën e David Mojsit.