Mediat, Graham Poter do të zëvëndësojë Ten Hag-un?
Erik Ten Hag nuk do të jetë në krye të Man. Junajtedit sezonin e ardhshëm. Presidenca është e pakënaqur me punën e teknikut holandez dhe ka nisur nga puna për gjetjen e pasuesit të tij dhe sipas raportimeve më të fundit, të mediave britanike kanë nisur bisedimet me Graham Poter, madje është zhvilluar edhe një takim me ish-trajnerin e Çellsit.
Vetë pronari i ri, sir Xhim Retklif ka takuar personalisht 48-vjeçarin nga Solihull, teksa më tej në raportimet e “ishullorëve”, thuhet se akordi mes palëve është arritur dhe Potter pret verën për të nisur aventurën e tij me ekipin me më shumë tifozë në botë.
Megjithatë, Poter nuk është i vetmi në listën e “Djajve”, me “gjigantët” e Premier Liga, që mendojnë gjithashtu edhe për nënshkrimin me italianin, Tiago Mota, i cili është afër dërgimit të skuadrës së Bolonja në Ligën e Kampionëve, arritje kjo jo pak e vogel, me një klub si “Emiljanët”.