Mënyra e vetme që Xhud Belingami t’i shpëtojë dënimit më të ashpër
Real Madridi mbeti tejet i nervozuar me vendimin e gjyqtarit Hoze Luis Munuera Montero për ta përjashtuar Xhud Belingamit me karton të kuq ndaj Osasunas.
Mesfushori anglez dyshohet se kishte përdorur fjalor të rëndë ndaj tij, ani pse ai ka pretenduar se fjalët janë përkthyer gabimisht nga gjyqtari. Përjashtimi nga loja i Belingamit i kushtoi rëndë Real Madridit pasi në pjesën e dytë ata humbën epërsinë minimale që kishin krijuar në pjesën e parë duke bërë që ndeshja të përfundonte baraz.
Drejtuesit e ‘Los Blankos’ pritet që ta apelojnë kartonin e Bellingamit pasi një rast i ngjashëm që kishte ndodhur më parë në La Liga i jep shpresë se do ta fitojnë këtë garë. Sipas një raportimi nga “AS”, Mejson Grinvud ishte përjashtuar gjatë duelit mes Getafes dhe Rajo Valejkanos sezonin e kaluar, pasi dyshohej se kishte përdorur fjalor të rëndë ndaj gjyqtarit Horhe Figueroa Vaskez.
Megjithatë, më vonë ishte konfirmuar se përkthimi i fjalëve ishte i gabuar dhe Komiteti i Garave vendosi në favor të Grinvudit, duke ia hequr kartonin me efekt të menjëhershëm. Bellingami do të shpresojë se rasti i tij do të ndjekë të njëjtën rrugë si ai i Grinvudit, në ndërkohë Real Madridi do të ketë shumë nevojë për të në vazhdim, duke marrë parasysh se janë pa fitore në tri ndeshjet e fundit në kampionat.
