Milani merr talentin holandez nga Ajaksi dhe kërkon ish mesfushorin e Juventusit
Pas largimit të Jacine Adlit te Fiorentina, te Milan janë krijuar hapësira për transferime të reja në merkaton e verës. Kështu, “kuqezinjtë” kanë mbyllur bisedimet për transferimin e Silvano Vos nga Ajaksi, që do të mbërrijë këtë javë.
Dhe, në rast largimi të Benaserit, Milan do të tentojë të nënshkruajë me francezin Adrien Rabiot, ende pa ekip pas largimit nga Juventus. Ky i fundit do të ishte një blerje me koston zero për “kuqezinjtë”. Vos, 19 vjeç, do t’i kushtojë Milan rreth 3 milionë euro plus bonuse dhe pritet që të premten të hidhen firmat. Për sa i përket Rabiot, problem mbetet rroga e lartë prej 7 milionë eurosh në sezon që ai kërkon.
Alternativa mbetet Manu Kone, të cilin “kuqezinjtë” nuk e kanë harruar kurrë. Nga Gjermania, ku dhe lojtari luan me MynshenGladbahun, kërkojnë të paktën 15 milionë euro për këtë transferim. por më parë duhet larguar Benaser.
