Milevski: Dëshmuan djelmoshat se kur janë nën presion, janë më të mirët

Trajneri Blagoja Milevski ishte përplot lëvdata për futbollistët e Maqedonisë, pas fitores 2-0 ndaj Armenisë. Ndryshe nga dueli me Ishujt Faroe, si dhe nga disa nga ndeshjet e mëparshme, Maqedonia ishte në nivel të shkëlqyer, duke mposhtur Armeninë në të gjitha elementet e lojës, edhe pse ishte me një futbollist më pak për 45 minuta.

“I përgëzoj futbollistët që edhe një herë treguan se janë me të drejtë këtu dhe e ul kapelen për ta. E kam thënë edhe më parë se këta djem ishin në krye të detyrës sa herë që ishin nën presion, dhe ata ishin mbi të  edhe përtej. Na presin gjashtë ndeshje në grup dhe nuk do të thotë që nëse nuk fitojmë në të parën nuk do të jemi të parët, por edhe kjo fitore nuk na garanton se do të jemi në vendin e parë. Është herët për të folur, kemi një rrugë të gjatë për të bërë”, tha Milevski.

Përballë Ishujve Faroe, Milevski beson se në përfundimin e aksioneve ka munguar energjia dhe vendosmëria.

“Na mungonte energjia, sidomos në pjesën e parë. Pas korrigjimeve në pjesën e dytë dhe në atë ndeshje u dukën më mirë, krijuam raste, por fatkeqësisht nuk i realizuam. Sot kishim atë pjesë të agresivitetit dhe vendosmërisë. Më vjen keq që edhe në pjesën e parë nuk shënuam dy-tre gola sepse kishim një shans. Forma në klube nuk është e rëndësishme për mua, sa herë janë këtu japin maksimumin dhe janë në funksion të kombëtares. Besoj se ata japin më shumë sesa mundësitë e tyre, tha në fund Milevski.

Ndeshja e radhës në Ligën e Kombëve, do të jenë në muajin më 10 dhe 13 tetor, kur përballen me Letoninë dhe Armeninë në transfertë.