Moment historik në NBA, Lebron Xhejms luajti me djalin e tij në një ekip profesionist të basketbollit
LeBron Xhejms ka shkruar historinë në NBA së bashku me djalin e tij Broni, pasi janë bërë të parët babë dhe bir që luajnë një ndeshje së bashku në nivelin më të lartë të basketbollit në botë. Basketbollistët e Los Anxheles Lejkers mundën Minesota-n me rezultat 110:103 dhe në minutën e 20-të të ndeshjes ishim dëshmitarë të historisë.
LeBron Xhejms (39-vjeçar) luajti me djalin e tij Broni Xhejms (20 vjeç), të cilin Los Anxheles Lejkers e zgjodhën këtë vit në Draft. LeBron dhe Broni hynë në lojë së bashku dhe kështu u bënë baba dhe bir të parët që luanin në NBA, dhe ata ishin edhe shokë skuadre.
Legjenda e basketbollit shënoi 16 pikë, pesë kërcime dhe katër asiste, ndërsa djali i tij ishte pa pikë në tre minuta lojë, por pati vetëm një kërcim.
Lejkersat u drejtuan nga Entoni Dejvis me 36 pikë e 16 kërcime, ndërsa në krahun tjetër nuk luajti Luka Garza.
Kampionët e Boston fituan me lehtësi 132-109 ndaj Nju Jorkun, ndeshje e dominuar nga vendasit, ku të gjithë titullarët realizuan mbi 10 pikë. Tatum me 37 pikë e 10 asiste ishte lider në fushë për Seltiks, që para ndeshjes morën edhe unazat e titullit kampion.