Moti sot i paqëndrueshëm, me reshje lokale dhe temperatura deri në 37 gradë

Sipas njoftimit të Drejtorisë për Punë Hidrometeorologjike, sot në vendin tonë pritet mot i paqëndrueshëm, me mundësi reshjesh lokale të shiut dhe erë të përforcuar në disa rajone.

“Temperatura minimale do të jetë në interval prej 12 deri në 20 gradë, ndërsa ajo maksimale pritet të arrijë nga 29 deri në 37 gradë Celsius”, thonë nga Drejtoria.

Edhe në kryeqytet moti do të jetë i ngjashëm. “Në Shkup, temperatura minimale do të ulet në 17, ndërsa ajo maksimale do të arrijë në 34 gradë Celsius”, shtojnë nga shërbimi meteorologjik.