Ndryshime te reja në FFM, Goran Staniç bëhet trajner i Maqedonisë U21

Në seancën e fundit të Këshillit Drejtues të Federatës së Futbollit të Maqedonisë, nënkryetari i mëparshëm Lazar Rakixhiev dha dorëheqje dhe u tërhoq nga Këshilli Drejtues.

Ndërkohë janë shkarkuar të gjithë përzgjedhësit e kombëtareve të moshave të reja, përfshi Dragi Kanatlarovskin, i cili drejtoi kombëtaren e Maqedonisë U21. Dhe në vend të tij është emëruar trajneri aktual i Rabotniçkit, Goran Staniç.

Ka ndryshime edhe te Komisioni i gjyqtarëve, ku është emëruar Aleksandar Stavrev, në vend të Dimitar Meçkarovskit. Josip Burton është kryetar i komisionit për delegim të referëve, ku janë edhe Xhenan Hajdari dhe Zllate Ilievski nga Manastiri.