Nejmar njofton largimin nga “Al Hilal”, kalon në SHBA
Ylli brazilian, Nejmar Xhunior thuhet se ka njoftuar bashkëlojtarët e tij te “Al Hilal” për skuadrën e tij të re nga vera e vitit 2025. Largimi i 32-vjeçari nga Arabia Saudite duket i pashmangshëm dhe tashmë po flitet edhe destinacioni i tij i ri. Sipas mediumit “Sky Sports Switzerland”, Nejmar ka informuar bashkëlojtarët e tij në “Al Hilal” se planifikon t’i bashkohet Inter Majamit, verën e ardhshme.
Sulmuesi brazilian iu bashkua “Al Hilal”-it nga PSZH në vitin 2023, por që atëherë ka luajtur vetëm disa ndeshje për shkak të lëndimit të rëndë. Sipas raportimeve, Nejmar planifikon të ribashkohet me ish-bashkëlojtarët e Barcelonës, Lionel Mesi, Luis Suarez, Zhordi Alba dhe Serhio Buskets.
Më parë u raportua gjithashtu se zgjatja e kontratës së Nejmarit me Al Hilal nuk ka gjasa, kështu që largimi duket i pashmangshëm.
