Nga gjithsej 44 kryetarë të komunave të zgjedhur në raundin e parë, vetëm 1 është grua
Vetëm një grua u zgjodh kryetare e komunës në raundin e parë të zgjedhjeve lokale 2025, përcjell TV21. Beti Stamenkoska Trajkoska nga VMRO-DPMNE, e cila do të drejtojë komunën e Kisella Vodës. Përveç saj, tre kandidate të tjera kaluan në raundin e dytë: Marija Naceva (VMRO-DPMNE) në Negotinë, Natalia Dimitrieva (VMRO-DPMNE) në Demir Kapij dhe Sonja Stamenkova (LSDM) në Maqedonska Kamenicë.
Në këto zgjedhje konkuruan gjithsej 309 kandidatë për kryetar komune, nga të cilët vetëm 32 ishin gra, që përbën 10,35% të numrit total.
Numri më i madh i grave kandidate, tre, ishte në Prilep, ndërsa në Manastir, Veles, Karposh, Kisella Vodë, Negotino dhe Qendër konkuruan nga dy gra.
Në 16 komuna dhe në Qytetin e Shkupit kishte vetëm një grua kandidate.
Në shumë komuna, gratë nuk ishin fare të pranishme në fletët e votimit.
Nga gjithsej 44 kryetarë të komunave të zgjedhur në raundin e parë, vetëm një është grua, që përfaqëson 2,2% të përfaqësimit gjinor.
