![Një tjetër talent brazilian pritet të “zbarkojë” te Barcelona](https://shprehja.com/wp-content/uploads/2024/01/Joel-Ndala-right-battles-for-the-ball-against-Brazils-Estevao-Willian-1024x683-850x560.jpg)
Një tjetër talent brazilian pritet të “zbarkojë” te Barcelona
Një nga futbollistët më të kërkuar në 18 muajt e ardhshëm, pritet të jetë adoleshenti i Palmeiras, Estevao Uillian. 16-vjeçari pritet të ndjekë trajektoren e njëjtë të bashkëlojtarit të tij Endrik, edhe pse Uillian do të transferohet tek Barcelona dhe jo Real Madridi.
Më herët këtë sezon, Estevao kishte zbuluar se ëndrra e tij është që t’i bashkohet gjigantit katalanas, pasi ka qenë tifoz i tyre për shumë vite. Fatmirësisht për të, edhe Barcelona janë admirues të madh të stilit të tij të lojës dhe së shpejti pritet që të bëjnë një ofertë për të, sapo të gjendet një rrugë sa i përket anës financiare.
“Mundo Deportivo” ka raportuar se Barcelona tashmë do të kishte bërë një lëvizje në drejtim të Estevaos, por vështirësitë financiare i kanë detyruar drejtuesit e klubit që të fokusohen në objektiva të tjerë. Për shkak të moshë së tij, Estevao nuk mund të lëviz në Evropë të paktën deri në verën e vitit 2025, andaj në një të ardhme të afërt kur blaugranasit do të trokasin në derën e Palmeiras, klubi brazilian do të pajtohet me shitjen e tij.
Si Estevao ashtu edhe agjenti i tij i kanë dhënë përparësi kalimit në Barcelonë dhe të gjitha shenjat tregojnë se një marrëveshje mund të arrihet brenda 18 muajve në vazhdim. Ky do të ishte padyshim një lajm i mirë për katalanasit, të cilët së fundmi transferuan në radhët e tyre Vitor Roke-n, një tjetër yll brazilian.