Nuk mjaft performanca e Bukerit, Feniksi mposhtet nga Orlando
Feniks Sans ka pësuar humbjen e dytë radhazi dhe të 20-tën këtë edicion në elitën e basketbollit amerikan NBA. Sans ishin favorit ndaj Orlando Mexhik, megjithatë nw fund pësoi humbjen me 15 pikë diferencë pran rezultatit final 113:98. Edhe pse kishin epërsinë më të lartë me 13 pikë gjatë ndeshjes, Sans në çerekun e fundit ishin skandaloz duke shënuar vetëm 13 pikë, ndërsa vendasit realizuan 31.
Paolo Bankero ishte më efikasi te Orlando Mexhik me 26 pikë, katër kërcime e shtatë asistime, ndërsa me lojë të mirë u dallua edhe gjermani Moritz Wagner që shtoi 16 pikë e 12 kërcime.
Me pikë dyshifrore te Mexhik e mbyllen ndeshjen edhe Markelle Fultz me 14 pikë, Franz Vagner 11 dhe Xhejlen Sugs që shtoi 10 të tjera. Mysafirëve nuk i mjaftuan as 44 pikët e Devin Bukerit, pasi basketbollistët tjerë nuk ishin në ditën e tyre më të mirë për ta shpëtuar Feniks Sansin nga humbja.
