Pamje tronditëse të veturave të aksidentuara në fshatin Çubrel të Skenderajt, ku ndërruan jetë tre persona

Një aksident tragjik ka ndodhur në magjistralen Mitrovicë-Pejë, ku si pasojë kanë humbur jetën tre persona, ndërsa pesë të tjerë kanë pësuar lëndime.

Komandanti i zjarrfikësve në Skenderaj, Liman Geci, ka deklaruar për Dukagjinin se njëri nga viktimat, shoferi i një prej veturave të përfshira, ka vdekur në vendin e ngjarjes, dhe se mosha e tij ishte rreth 55 vjeç.

“Ne jemi në 24 orë në shërbim të qytetarëve të Skenderajt, kemi marrë informatë për një aksident në magjistralen Mitrovicë – Pejë. Ne e kemi nxjerrë shoferin i cili ka qenë brenda në veturë, e kemi tërhequr kufomën e tij. Kemi informacione që janë tetë të lënduar dhe tre të vdekur”, ka deklaruar ai.

Geci gjithashtu ka njoftuar se janë tërhequr kufomat dhe veturat, dhe rruga tani është e kalueshme.