Para 11 ditësh u martua, fati tragjik i 30-vjeçarit që humbi jetën në Itali, kishte shkuar të festonte ditëlindjen e kushërirës
Dorjo Duka, humbi jetën pas një aksidenti tragjik në Itali.
Ai ishte martuar pak ditë më parë dhe kishte shkuar në Itali nga Shqipëria, të shtunën së bashku me motrën e tij, për të festuar ditëlindjen e kushërirës së tij me të cilën ishte shumë i lidhur.
Aksidenti tragjik, humb jetën 30-vjeçari shqiptar
Por Dorjo Duka, 30 vjeç humbi jetën tragjikisht pas një përplasjeje natën e 21 janarit në Ponte Meduna. Fiati me të cilin udhëtonte u përplas kokë më kokë me një Mercedes CLA, drejtuesi i të cilit kishte hyrë në korsinë e gabuar, shkruan albeu.com.
Kushëriri 25-vjeçar, i cili ndodhej në makinë me Dorjon ndodhet në gjendje të rëndë shëndetësore.
Duka, një i ri gazmor, i cili punonte në një kompani ndërtimi në Tiranë la pas gruan e tij Irisin me të cilën ishte martuar më 12 janar 2024, prindërit, një vëlla dhe motrën shtatzënë./albeu.com
