Pas Erik Dierit, tjetër mbrojtës bëhet cak i Bajern Munihit për merkaton e janarit

Kalimi i qendërmbrojtësit anglez, Erik Dier, nga “londinezët” e Totenhamit, drejt “bavarezëve” të Bajern Munihut është bërë “fakt i kryer” nga mediat gjermane, mirëpo, në Francë, nuk janë “dakord”, me prestigjiozen franceze, “L’Equipe”, që ka zbuluar një tjetër pistë të “gjigantëve” gjermanë të futbollit.

Këta të fundit ndodhen në një moment tejet të vëshitrë, në repartin e prapavijës, kjo për shkak të mungesës së dyshes Kim Min-Jae e Nousair Mazraoui, me këta dy fundit, që pritet të kthehen minimalisht pas 3 javëve, për shkak të pjesëmarrjes së kombëtareve të tyre në Kupën e Azisë dhe Kupën e Afrikës.

Për të gjetur një zëvendësues “provizor”, “bavarezët” menduan fillimisht emrin e ish-shokut të skuadrës së Hari Kejnit, Erik Dier, mirëpo mungesa e minutazshit në sezonin aktual i ka bërë disi dyshuese mediat se Dier mund të rezultojë në dështim e për këtë aryse, të lartpërmendurit e “L’Equipe” kanë nxjerrë në “pistë”, emrin e mbrojtësit së PSZH, Nordi Mukiele, me këtë të fundit që e njeh jo pak kampionatin gjerman, teksa më herët ka qenë pjesë e “demave” të Lajpcigut.