Pas Joro-s, “Djatë e Kuq” afër marrëveshjes me mesfushorin e PSZH-së
Pasi ka përfunduar transferimin e Leni Joro, Man. Junajtedi mund të mirëpresë një tjetër lojtar nga grupi i Horhe Mendes. Pas avancimit të një marrëveshjeje kontraktuale gjatë ditëve të fundit, siç është zbuluar nga Fabrizio Romano, Manuel Ugarte mund t’i bashkohet “Djajve të Kuq”, pasi lojtari uruguaian ka rënë dakord me klubin e Mançesterit.
Megjithatë, pozicionet e të dy klubeve ende nuk janë të përputhura. PSZH hapi derën për një largim që në fillim të verës kur anglezët trokitën për herë të parë në derë. Parisi megjithatë nuk dëshiron të humbasë para për një element të blerë për 60 milionë euro sezonin e kaluar nga Sportingu.
Drejtuesit kërkojnë madje 70 milionë euro për transferimin e uruguaianit. Një shumë që Man. Junajtedi nuk do të ishte gati të investojë menjëherë. Drejtuesit anglezë po mendojnë për një strukturë tjetër propozimi, veçanërisht një huazim me opsion blerjeje.
