Pas videos së ish-të dashurit të Anës që u shfaq në spektakël, reagon ashpër nëna e Kevinit: Produksion i ulët
Pasi Ana dhe Kevini zyrtarizuan lidhjen e tyre brenda shtëpisë së Big Brother VIP Kosova, situata jashtë mureve të shtëpisë ka marrë një kthesë dramatike.
Ish-i dashuri i Anës, Ozit, një artist i ri, ka reaguar për herë të parë me një videomesazh drejtuar produksionit, duke ofruar versionin e tij të historisë.
Në mesazhin e tij publik, Ozit sqaroi marrëdhënien e tyre të mëparshme, duke theksuar se para hyrjes së Anës në shtëpinë e BBVK, ata kishin lënë lidhjen “të hapur”. Ai hodhi poshtë disa deklarata të bëra në lidhje me raportin e tyre dhe kritikoi disa nga sjelljet e Anës, duke i cilësuar si të papranueshme.
Foto: Melita.777/InstaStory
Ndërkohë, situata ka nxitur edhe një reagim të ashpër nga nëna e Kevinit, e cila ka adresuar një mesazh të drejtpërdrejtë ndaj produksionit dhe Anës. Ajo e quajti produksionin si të ulët për mënyrën se si, sipas saj, Kevini është përballur me sfida të panevojshme brenda shtëpisë.
Në deklaratën e saj, nëna e Kevinit theksoi se vëmendja e saj është plotësisht e përqendruar tek djali i saj. “Nuk dua asnjë koment, a ke fol me Anën. Ana e ka familjen e vet që e mbron. Vëmendja ime këtë rast shkon vetëm për Kevinin dhe asgjë tjetër”, tha ajo, duke nënvizuar mbështetjen e saj të plotë për të birin.
Foto: Melita.777/InstaStory
Kjo situatë ka krijuar një atmosferë të tensionuar si brenda, ashtu edhe jashtë shtëpisë së BBVK, duke u bërë temë diskutimi mes publikut dhe fansave të reality show-t. Mbetet për t’u parë sesi do të zhvillohen ngjarjet dhe si do të ndikojë kjo në raportin mes Anës dhe Kevinit.
Trotinetët elektrikë ndalohen për personat nën 18 vjeç,
Në Kuvend është miratuar Ligji për rregullimin e përdorimit të trotinetëve elektrikë, me të cilin vendosen rregulla më të rrepta
Agnesa Muaremi emërohet drejtoreshë e re e çerdhes
IPKKF “Fidani” ka njoftuar se Agnesa Muaremi është emëruar në detyrën e drejtoreshës së institucionit. “Me përvojën e saj 18-vjeçare
BDI: Nga premtimi për 31.5%, te përjashtimi institucional
Sekretari i përgjithshëm i Bashkimit Demokratik për Integrim (BDI), Arbër Ademi, akuzoi të hënën koalicionin VLEN se gjatë dy viteve
