Përplasen 3 makina në Tepelenë, vdes njëri prej drejtuesve, ka të plagosur

Një aksident i rëndë ka ndodhur mbrëmjen e kësaj të dielë në aksin nacional Tepelenë-Gjirokastër. Burime për mediat bëjnë me dije se ngjarja ka ndodhur poshtë kalasë së qytetit të Tepelenës ku tre automjete janë përplasur me njëra-tjetrën.

Sipas informacioneve paraprake mësohet se si pasojë e aksidentit ka humbur jetën një person, i cili thuhet se është njëri prej drejtuesve të mjeteve, ndërsa kanë mbetur të plagosur tre persona të tjerë.

Menjëherë ata janë nisur drejt spitalit  dhe janë në gjendje të rëndë. Policia ndodhet në vendin e ngjarjes dhe po punon për zbardhjen e plotë të këtij aksidenti, ndërkohë deri më tani nuk ka asnjë njoftim zyrtar.

Priten më tepër detaje në vijim.