Pesë muaj pa paga punëtorët shëndetësor, Aliu: Nuk mund t’i zgjidhim problemet retrokative

Punonjësit shëndetësorë të cilët ditë më parë protestuan para Ministrisë së Financave për të kërkuar zgjidhje të problemit të pagave të papaguara për 5 muajt e kaluar dhe për nënshkrimin e kontratave të premtuara për momentin kanë mbetur në mëshirë të fatit.

Zgjidhje të problemit nuk premton as ministri i shëndetësisë Azir Aliu i cili megjithatë thotë se do të merret me rastin në fjalë. I pyetur nga gazetarët, Aliu thotë se sistemi nuk mund të mbulojë dhe të zgjidh probleme retroaktive, të pa planifikuara.

AZIR ALIU – MINISTËR I SHËNDETËSISË

“Më përmendët një klinikë, e dini që në Tetovë e zgjidhëm  do të mundohemi që ta zgjidhim edhe në klinikën për fëmijë, por ama në mënyrë retro-aktive nuk mund t’i zgjidhim problemet. Problemet duhet të projektohen dhe të zgjidhen në formë afat-gjate në këtë rast, për një vit e dini që viti fiskal fillon nga janari dhe mbaron më 31 dhjetor, pra nuk mund të kthehemi retro-aktiv të zgjidhim problemet nga janari e këndej”.

Kujtojmë se, më pesë qershor, rreth 50 të punësuar në Klinikën e Fëmijëve në Shkup protesutan para Ministrisë së Financave, pasi nuk kanë marrë paga 5 muaj, ndërkaq Ministria e Financave nuk ka dhënë pëlqim për vazhdimin e kontratave të punës. Ata u ftuan në takim edhe nga Ministria e Financave prej ku u premtuan zgjidhje e problemit dhe presin lajm javës që vjen.

Ndryshe problem të ngjashëm sikurse personeli shëndetësorë I spitalit të fëmijëve muaj më parë ka pasur edhe personeli mjekësorë në spitalin e Tetovës, por edhe pse me disa paknaqësi, ai problem u zgjodh.

Mevludin Imeri /SHENJA/