![Polakët “boshatisin” kampionin e Kosovës, në radhë është Gripshi](https://shprehja.com/wp-content/uploads/2024/02/Nazmi-Gripshi-2323.jpg)
Polakët “boshatisin” kampionin e Kosovës, në radhë është Gripshi
Pas Eneo Bitrit, polakët e Krakovias janë pranë firmës me një tjetër futbollist shqiptar. Klubi polak ka bërë një ofertë prej 400 mijë eurosh për fantazistin e Ballkanit, Nazmi Gripshi. Palët janë duke negociuar detajet, teksa gjasat janë që marrëveshja të mbyllet me sukses brenda 48 orëve të ardhshme, me Gripshin është gati të bëjë një tjetër hap të rëndësishëm të karrierës.
Fantazisti 26-vjeçar është rritur te Teuta dhe pas tre sezoneve te Skënderbeu, u bë pjesë e Ballkanit në 2020-ën, ku prej thuajse 4 vitesh vijon të jetë një titullar i padiskutueshëm i formacionit të Ilir Dajës. Kampionët e Kosovës janë bërë një ‘market’ i preferuar për klubet polake, teksa pak ditë më parë ishte Legia e Varshavës që shpenzoi 400 mijë euro për të marrë mesfushorin Qëndrim Zyba.
Nëse transferimi i Gripshit mbyllet me sukses, atëherë mesfushori do të ketë shok skuadre qendërmbrojtësin Eneo Bitri, i cili u transferua te Kracovia, ditë më parë./Supersport.al/