Policia e Tetovës jep detaje për krismat në Tetovë (Video)
Dy persona mbetën të plagosur nga të shtënat me armë zjarrit mbrëmjen e sotme në afërsi të Spitalit të Tetovës.
“Sot rreth orës 18:05 në SPB Tetovë është raportuar se para hyrjes në Qendrën Urgjente në Spitalin Klinik të Tetovës janë qëlluar me armë zjarri dy persona nga fshati Gajre i Tetovës, të cilët kanë pësuar lëndime me armë zjarri. Shërbimet e SPB Tetovë dhe prokurori publik janë në vendngjarje dhe po ndërmerren masa për gjetjen e pesë personave të dyshuar në lidhje me rastin. Ndryshe, këtij rasti sot i ka paraprirë edhe një përleshje fizike mes njërit prej të plagosurve dhe njërit prej të dyshuarve për pjesëmarrje në të shtëna me armë zjarri. Rasti është duke u zbardhur”, thonë nga MPB.
Ndërkohë mësohet se, njëri nga dy të plagosurit në të shtënat me armë në Spitalin e Tetovës është dërguar për në Shkup, ngaqë është në gjendje më të rëndë shëndetësore.
