Policia ndërhyn kur aligatori bllokon dërgimin e picave në Florida
Një oficer policie në Florida përfundoi duke dorëzuar një picë te dera e pasme e një banori, pasi shpërndarësi i picës u përball me një aligator 2.5 metra të gjatë në hyrje të shtëpisë.
Departamenti i Policisë së Bradenton ndau pamje nga kamera e trupit në rrjetet sociale, duke treguar skenën e pazakontë që ndodhi kur një oficer u thirr për praninë e një aligatori të madh në lagje.
Oficeri e gjeti aligatorin të fshehur nën një makinë në hyrje të një shtëpie dhe po priste kapësin e Komisionit të Peshkimit dhe Kafshëve të Egra të Floridës kur mbërriti dikush tjetër – një shpërndarëse picash.
Oficeri e ndaloi dhe e paralajmëroi për aligatorin, e cila ndodhej pikërisht mes saj dhe derës kryesore të klientit. Pas një bisede të shkurtër, oficeri u ofrua t’ia dorëzonte picën klientit nga dera e pasme.
Pizza … with a side of gator?
Officer Tolson responded to calls about an 8-foot gator in a 55+ community, intercepted a terrified pizza delivery driver, and ensured a hungry customer was fed (and a hungry gator wasn’t). All in a day’s work! pic.twitter.com/kbG9TvIaOu
— Bradenton Police Department (@BradentonPD) March 12, 2025
Një fqinj telefonoi banoren e shtëpisë, e cila doli në derën e përparme, por oficeri e paralajmëroi për praninë e aligatorit dhe i tha se mund ta merrte ushqimin nga dera e pasme.
“Sa kushton?” – e pyeti gruaja kur oficeri i solli picën.
“Nuk e di, unë nuk jam shpërndarës picash,” u përgjigj oficeri me shaka.
Në fund, gruaja e mori picën dhe i dha ca para oficerit për t’ia dhënë shpërndarëses.
Departamenti i Policisë shkroi me humor “Pica… me një anë aligatori? Oficeri Tolson iu përgjigj thirrjeve për një aligator 2.5 metra të gjatë në një komunitet 55+, shpëtoi një shpërndarëse të frikësuar picash dhe siguroi që një kliente e uritur të merrte porosinë e saj (dhe që aligatori i uritur të mos merrte asgjë). E gjithë kjo, thjesht një ditë normale në punë!” /Telegrafi/
