Policia pretendon që nuk ka penguar protestën në Koçan
Ministria e Punëve të Brendshme ka demantuar dezinformatat e publikuara në disa portale dhe rrjete sociale se gjoja policia më 16 gusht 2025 nuk ka lejuar qytetarët të hyjnë në Koçan për të marrë pjesë në protestën “Marshi i engjëjve”.
“Përkundrazi, asnjë qytetar nuk është penguar të hyjë në Koçan,” theksojnë nga MPB.
Sipas ministrisë, me qëllim të realizimit të kompetencave ligjore, përfshirë edhe mbarëvajtjen e sigurt të protestës “Marshi i engjëjve” më 15.08.2025 në Koçan, SPB Shtip ka kryer kontrolle të rregullta të trafikut (të automjeteve dhe shoferëve) në rajonin e saj, duke përfshirë edhe qytetin e Kumanovës.
“Megjithatë, asnjë qytetari që iu nënshtrua kontrollës së rregullt të trafikut nuk iu mohua e drejta për të marrë pjesë lirshëm në protestën ‘Marshi i engjëjve’ dhe asnjë nuk është mbajtur më shumë se koha e nevojshme për një kontroll policor,” sqarojnë nga MPB.
Nga kjo ministri apelojnë që të mos shpërndahen dezinformata që vetëm sa shqetësojnë qytetarët. Flaka Media
